Addoon waxan ahay islaama
Addoon waxaan ahay iimanleh
Addoon waxan ahay adeecsan
Nebi iyo inaad tahay rasuul
Aadmiga ilaa Aadan dhoo
isagu u karaama badan
Allaahu masale wasalee
wabaarik calee,
Addoon ifka kuugu jecel
intad tidhi yeelna yeelay
iblays xadhiggiisa jaray
adeecay amarkii Illahay
umaray sunahaga oo
u tahay macalinka Aduunka
ayaan ahay yaa Maxamed
Allahu masale wasalee
wabaarik calee,
U seexday sidii aad jeclayd
u cunay sidii aad i tidhi
afkuna waxa uu idhaah
intaad igu tidhi adigu
ayaa khayrlee ku hadal
indhuhu jacayl kuu ilmeeye
ku adeecay yaa Rasuululaah
allahu masale wasalee
wabaarik calee,
Allayl badhkaan kacaa
anoo kugu dayanayoo
Intaan hor tago Raxmaanka
ayaan u dhigaa sujuud
tusaa inaan ahay addoon
Illaah kale koonkan jirin
baryada ooya naboow
Allahu masale wasale
wabaarik calee,
Ifkaad timi nabi alloow
awoodu iyadoo shaqaysa
addoonku addoonsanaayo
addoomo kay wada yihiin
aabuhu aasayo hablaha
ubadku inamada yihiin
asnaam dadku caabudaan
Allahu masale wasale
wabaarik calee
Iftiin mugdigaas baddalay
ilays nuur iyo aqoon
uunkani ku badbaadayoow
ummad ku xasuusatan nay
intay joogeen aduunkee
akhiro kolka an nimadno
ayaantu addoomihiisa
illahay la xisaabtamaayo
Intaad u shafeeco qaado
Awga naxariis uhela
U gala jano iyo fardawsa
Aan galin naaraha olala
Agtaada jacayl u yaalo
Ayanu jeclaysanee
adigu noo bari illahay
ehel inan ku ahaano
allahu masale wasalee
wabarik calee,
C/risaaq Xaamud Caydiid……..
11/1/1434/HIJRIYA………..KUBEEGAN..23/1/2013